Mois : avril 2020

Fanompoam-pivavahana alahady 26 aprily 2020

« Fa ny hita dia vetivety foana, fa ny tsy hita no haharitra mandrakizay » . 2Kor4:18b

Fanompoam-pavavahana Alahady 26 Aprily 2020

Toriteny: 26 aprily 2020

 « Fa ny hita dia ho vetivety foana, fa ny tsy hita no haharitra mandrikizay» 2Kor 4 18b

Hoy ny dikan-teny fototra « fa ny hitan’ny maso dia vonjimaika ihany, fa ny tsy hitan’ny maso kosa dia ny mandrakizay », hoy ny DIEM « ny hita manko dia miserana ihany, fa ny tsy hita no maharitra mandrakizay ».

Izao hita maso izao izany dia miserana sy vonjimaika, tsy tena izy ary mandalo ihany. Fa ny tsy hita kosa dia maharitra mandrakizay na ny mandrakizay tena izy. Ny fiainana izany dia miserana sy vonjimaika ary mandalo. Toy ny trano lay, trano mora simba,trano mora mikoro. Fa ny tsy hita ny an’Andriamanitra, miaraka amin’Andriamanitra dia maharitra mandrakizay na MANDRAKIZAY. Tsy azo ferana, tsy mety simba, tsy mety lo, tsy mety mikoro. Trano tsy natao tanana.

Milaza inona amin’ny finoana Kristiana izany ? Mampaninona antsika Kristiana izany teny izany ? Inona ny fahamarinana amin’izany eo amin’ny fiainana ? Betsaka ny valin-teny azo atolotra, fa ireto telo ireto no sainina vetivety ka hodinihina :

  1. Ny fiheverana ny tsy hita dia manafoana ny fahaketrahana
  2. Ny fiheverana ny tsy hita dia fanavaozana ny fiainana anaty
  3. Ny fiheverana ny tsy hita dia ahazahoana ny satro-boninahitra mandrakizay

FEHINY

Ny olombelona mino, manantena, tia ny fiainana tsy hita izay maharitra mandrakizay dia olombelona :

  • Tsy ketraka. « Ary tsy ketraka izahay; fa na dia mihalevona aza ny toetray ivelany» 2Kor4/16a
  • Olom-baovao. « dia havaozina isan’andro isan’andro kosa ny toetray anatiny. » 2Kor4/16b
  • Ho voatafy voninahitra mandrakizay. « voninahitra mavesatra maharitra mandrakariva ho anay » 2Kor4/17

Izany hoe ho Mpandresy eto an-tany, mandroso ho amin’ny fiainana Mandrakizay miaraka amin’Andriamanitra hahazo ny satro-boninahitra mandrakizay. Miara mandova amin’ny Kristy. Marina amin’ny hita maso noho ilay tsy hita maso. Amin’izay fotoana izay dia mazava fa zanak’Andriamanitra isika ary zanak’Andriamanitra Mandrakizay.

AMENA

Ny Mpitandrina ANDRIAMANAMPY RAFIDISON Timoty

Fanompoam-pivavahana Alahady 19 Aprily 2020

« Ny olom-boavonjy amin’ny andro farany » Araka ny Daniela 12/1-3

Fandaharam-potoana

  • Fiarahabana Apostolika 
  • Fisaorana sy fiderana an’Andriamanitra
    • Salamo 146 1-4
    • Hira  Salamo 145
    • Vavaka
    • Feon’ORGA
  • Fankalazana an’Andriamanitra amin’ny alalan’ny TENINY
    • Hira  HF 6 1
    • Vavaka
    • Soratra Masina : Daniela 12 1-3 ; Lioka 24 44-49 ; ASA 2 29-36
    • Hira  HF 6 2
    • TORITENY
    • Feon’ORGA
    • VAVAKA
  • Famaranana
    • Tsodrano ( I Petera 5 10-11)
    • Hira 141 1,3,5

« Ho an’Andriamanitra irery ihany ny voninahitra!

Amin’ny anaran’ny Ray sy ny Zanaka ary ny Fanahy Masina. AMENA »

Ny Mpitandrina ANDRIAMANAMPY RAFIDISON Timoty

Toriteny Alahady 12 Aprily 2020

Toriteny Paska 2020

 « … fa efa natsangana tamin’ny maty tokoa Kristy ho santatr’izay efa nodi-mandry. … Nefa samy amin’ny filaharany avy: Kristy no santatra … »I KOR 15 20-23

« JESOA KRISTY no LAHIMATOA amin’ny maty » (Kol 1/18). Milaza fiombonam-piainana eo amin’ny samy Zanak’Andriamanitra izany. Samy efa maty dia samy ho velona. Saingy amin’ny filaharany avy, amin’ny fotoany avy. Amin’ny fananganana amin’ny maty amin’ny andro farany dia ho hita miharihary fa mitovy daholo, samy tsy mety maty intsony, samy ho velona mandrakizay, mitovy amin’i Enoka, Elia sy Mosesy ary i Jesoa Kristy daholo, ary ireo rehetra efa any amin’ny Tompo (Anjely, Maritiora, Apostoly). Saingy izao KRISTY NO SANTATRA izany hoe ny làlan’i Kristy no làlan’ny MINO, satria :

  1. JESOA KRISTY no vavolombelona fa izay atsangana amin’ny maty dia tsy ho faty intsony
  2. JESOA KRISTY no vavolombelona fa mbola hitsangana ao Aminy ny Fiangonana
  3. JESOA KRISTY dia vavolombelona milaza fa karazam-bokatra tsara no ho any Aminy

FEHINY

Voatory, nambara, nanafarana antsika eto ary fa i KRISTY izay efa nodimandry lahimatoa amin’ny maty, no Tompon’ny LOVA MANDRAKIZAY, koa mirotsaha ho ankohonan’Andriamanitra dia ho anao ny FIAINANA MANDRAKIZAY.

Koa rehefa hitsangana amin’ny maty ianao dia hiaraka amin’ny Kristy. Tsy ho any amin’ny latsa na ny fikotroha-nify na ny fanamelohana fa ho any amin’ny Fiaraha – monin’Andriamanitra.

Ary dia meteza ho voa tsara mendrika ny fibebahana. Mavesa-boa mety amin’ny Jesoa. Sahaza ny maha Zanak’Andriamanitra. JESOA amin’ny maha santatra azy dia loha-làlana tsy maintsy arahina avy ato aoriana koa : MIOVA – MINOA – MITOMBOA.

Ho an’Andriamanitra irery ihany ny voninahitra! AMENA

Ny Mpitandrina ANDRIAMANAMPY RAFIDISON Timoty

Paska 2020

Alahady 12 Aprily 2020

Miarahaba ny Kristiana zanaky ny FJKM Ankadimbahoaka rehetra na ny lavitra na ny akaiky, nahatratra ny PASKA 2020. Arahabaina tra-pamonjena. Velona tokoa JESOA TOMPO.

« Ho aminareo anie ny fahasoavana sy ny fiadanana avy amin’ilay ankehitriny sy taloha ary ho avy; ary avy amin’ny Fanahy fito izay eo anoloan’ny seza fiandrianany ary avy amin’i Jesosy Kristy, Vavolombelona marina sy Lahimatoa amin’ny maty ary Lehiben’ny mpanjaka amin’ny tany. Ho an’izay tia antsika ka namaha antsika ho afaka amin’ny fahotantsika tamin’ny ràny ». AMENA

FANDAHARAM-POTOANA ALAHADY 12 Aprily 2020

Ny mpitarika : RAMAVOARIMANANA Marcelline, Mpitandrina

Ny mitondra ny tenin’Andriamanitra : ANDRIAMANAMPY RAFIDISON Timoty, Mpitandrina

  • Fiarahabana Apostolika 
  • Fisaorana sy fiderana an’Andriamanitra
    • Apo 1 5b-8
    • Hira  144
    • Vavaka
  • Fankalazana an’Andriamanitra amin’ny alalan’ny TENINY
    • Chorale CFM
    • Vavaka
    • Vakiteny : Joba 19 25-29 ; Marka 16 9-20 ; I kor 15 12-23
    • Hira 141 1, 4,5
    • TORITENY
    • Feon’ORGA
    • VAVAKA
  • Famaranana
    • Hira 146
    • Tsodrano (Nomery 6 24-26)
    • Hira 142 1,4

« Ho an’Andriamanitra irery ihany ny voninahitra!

Amin’ny anaran’ny Ray sy ny Zanaka ary ny Fanahy Masina. AMENA »

Fampianarana Zoma Masina 10 Aprily 2020

NY FAHORIAN’ILAY MPANOPON’I JEHOVAH

Lohahevitra : « NY FAHORIAN’ILAY MPANOPON’I JEHOVAH »

SORATRA MASINA : Isaia 53 7-12 ; Marka 15 16-26 ; Hebreo 10 1-7

Misy hevitra telo (03) milaza ny momba ilay fahoriana nahazo ny Mpanompon’i Jehovah izay voalaza ento :

  1. Fahoriana mahafaty
  2. Fahoriana ankasitrahan’i Jehovah
  3. Fahorian’ny mpanota

FEHINY :

Fahoriana mahafaty no nahazo an’i Kristy, ankasitrahan’i Jehovah anefa izany. Fahoriana sahaza ny mpanota no nahatra Taminy. Noho izany FIKIRO MAFY NY FAMONJENA. AMENA

Ho an’Andriamanitra irery anie ny Voninahitra. AMENA

Ny Mpitandrina ANDRIAMANAMPY RAFIDISON Timoty

Fampianarana Alakamisy MASIANA 09 Aprily 2020

Ny fanompoan’i Jesoa Kristy Mpisoronabe

Ny fanompoan’i Jesoa Kristy Mpisoronabe

Lohahevitra : « NY FANOMPON’I JESOA KRISTY MPISORONABE »

SORATRA MASINA : Salamo 83 1-10 ; Marka 14 32-42 ; Hebreo 5 7-10

Ny anarana hoe MELKIZEDEKA dia hoe MELKI = MPANJAKA ary ny ZEDEKA (ZADOKA) = MPISORONA, noho izany sady MPANJAKA no MPISORONA i MELKIZEDEKA.

JESOA KRISTY MESIA = MPANJAKA – MPISORONA – MPAMINANY, izay tonga ho olombelona ho famonjena ny olombelona, manompo ny olombelona tamin’ny alalan’ny vavaka sy fangatahana sy fitairanana ary tamin’ny fahoriana. Lasa loharanon’ny FAMONJENA = NAMONJY. Dia notononina hoe MPISORONABE araka ny fanaon’i MELKIZEDEKA.

Miseho amin’ny fiasa telo (03) ary ny fanaon’i MELKIZEDEKA amin’ny fanompoany an’Andriamanitra :

  1. Vavaka sy fangatahana sy fitairanana mafy ary an-dranomaso be ;
  2. Mianatra fanarahana sy fahoriana ;
  3. Manaiky ho loharanon’ny Famonjena.

FEHINY : Hafatry ny ALAKAMISY MASINA 2020

  • Tiava vavaka
  • Mianara manetry tena
  • Ho fiasam-pamonjena

Manatoana an’Andriamanitra amin’ny alalan’ny VAVAKA, miasa ny asan’Andriamanitra amin’ny FANETRE TENA, ary ho fantsona ho fiasam-pamonjena homban’ny Fanahy Masina ho an’ny hafa anie ianao.

Ho an’Andriamanitra irery anie ny Voninahitra. AMENA

Ny Mpitandrina ANDRIAMANAMPY RAFIDISON Timoty

Fampianarana Alarobia MASINA 08 Aprily 2020

Ny Efesiana taloha sy ny ankehitriny.

Ny Efesiana taloha sy ny ankehitriny

Alarobia MASINA 08 Aprily 2020

Lohahevitra : « NY EFESIANA TALOHA SY ANKEHITRINY »

SORATRA MASINA : Salamo 22 12-18 ; Marka 14 1-2 ; Efesiana 2 1-7

Ny Efesiana taloha sy ny ankehitriny na isika taloha sy ny ankehitrinintsika arak’izany nisy lalana nizorana taloha, kanjo noho ny amin’ny Kristy, dia nialana io lalana io ka nandeha tamin’ny lalam-baovao. Fa manao ahoana moa izany lalan’ny Efesiana taloha izany? Feno ota, fahafatesana, feno ny fomban’izao tontolo izao, zanaky ny tsy fanarahana, tsy miraharaha afa tsy ny nofo, zanaky ny fahatezerana, miantehitra amin’ny fanjakana eny amin’ny rivotra, dia fanjakan’ny devoly. Fara fahakeliny ny fiainana ratsy fito (07) izay midika fa ny fahafenoan’ny faharatsiana.

Fa rehefa ao amin’ny Kristy Jesoa kosa dia indro fiainana vaovao, ny Efesiana ankehitriny dia :

  1. Velona amin’ny fahasoavana
  2. Velona amin’ny hamoram-panahy
  3. Velona miaraka amin’ny Kristy izay efa any an-danitra

FEHINY :

Ny Kristiana mivelona amin’ny FAHASOAVANA sy ny FAHAMARINANA avy amin’Andriamanitra dia manorina ny fanantenany amin’ny Kristy any an-danitra. AMENA

Ho an’Andriamanitra irery anie ny Voninahitra. AMENA

Ny Mpitandrina ANDRIAMANAMPY RAFIDISON Timoty

Fampianarana Talata MASINA 07 Aprily 2020

ADY HEVITRA NY AMIN’NY MAHA ZANAK’I DAVIDA AN’I KRISTY JESOA 

Ady hevitra ny amin’ny maha zanak’i Davida an’i KISTY JESOA.

Talata MASINA 07 Aprily 2020

Lohahevitra : « ADY HEVITRA NY AMIN’NY MAHA ZANAK’I DAVIDA AN’I KRISTY JESOA »

SORATRA MASINA : Salamo 110 1-7 ; Marka 12 35-37 ; I Kor 15 24-28

Iza moa KRISTY JESOA ary iza moa ny MESIA ?

  1. Ny Mesia dia zanak’i Davida ara-nofo
  2. Ny Mesia araka ny hevitry ny SALAMO
  3. NY Mesia dia avy amin’i JEHOVAH

FEHINY :

  1. JESOA = ANDRIAMANITRA TONGA NOFO Avo razana kanefa tsy ilain’ny famonjena izany.
  2. JESOA = ANDRIAMANITRA TONGA NOFO, izay MPAMINANY, MPISORONA, MPANJAKA, MPITSARA MARINA, ary natao SORONA.

Ho an’Andriamanitra irery anie ny Voninahitra. AMENA

Ny Mpitandrina ANDRIAMANAMPY RAFIDISON Timoty

Fampianarana Alatsinainy Masina 06 Aprily 2020

Araraoty ny fahavelomanao fanompoana an’Andriamanitra

Fampianarana: Araraoty ny fahavelomanao hanompoana an’Andriamanitra

Alatsinainy MASINA 06 Aprily 2020

Lohahevitra : « ARARAOTY NY FAHAVELOMANAO HANOMPOANA AN’ANDRIAMANITRA »

SORATRA MASINA : Isaia 38 18-20 ; Marka 12 18-27 ; Asa 15 22-28

Araraoty ny fahavelomanao hanompoana an’Andriamanitra, ny manompo an’Andriamanitra dia miseho amin’ny endrika telo (3) eto :

  1. Manompo amin’ny fiderana
  2. Manompo an’Andriamanitra amin’ny fitaizana zanaka
  3. Manompo an’Andriamanitra amin’ny asa ao amin’ny Tempoly

FEHINY : MANOMPO = MIDERA + MITAIZA + ASA AO @ TEMPOLY

Ho an’Andriamanitra irery ny Voninahitra. AMENA

Fanompoam-pivavahana Alahadin’ny SAMPANDROFIA 05 aprily 2020

Alahadin’ny SAMPANDROFIA

Toriteny Alahadin’ny SAMPANDROFIA 2020
  • Fiarahabana Apostolika : I Pet ½
  • Fisaorana sy fiderana an’Andriamanitra
    • Apo 15 3,4
    • Hira  SALAMO 34 (Feony Ankadimbahoaka)
    • Vavaka
  • Fankalazana an’Andriamanitra amin’ny alalan’ny TENINY
    • Hira 205 1,2
    • Vavaka
    • Vakiteny : Salamo 118 24-29 ; Marka 11 1-11 ; Apo 15 1-4
    • Hira SAMBATRA RE
    • TORITENY
    • Feon’ORGUE (Zava-maneno)
    • Hira SALAMO 145
  • Famaranana
    • Vavaka
    • Hira Ny Fitondran’ANDRIAMANITRA
    • Tsodrano

« Ho an’Andriamanitra irery ihany ny voninahitra!

Amin’ny anaran’ny Ray sy ny Zanaka ary ny Fanahy Masina. AMENA »

Ny Mpitandrina ANDRIAMANAMPY RAFIDIDON Timoty