« Tsy nomen’Andriamanitra Fanahy osa isika, fa Fanahy mahery sy fitiavana ary fahononan-tena » (II Timoty 1/6-14)
« Tsy nomen’Andriamanitra Fanahy osa isika, fa Fanahy mahery sy fitiavana ary fahononan-tena » (II Timoty 1/6-14)
Noho ny amin’i Timoty dia misaotra an’Andriamanitra amin’ny fo madio Paoly ary tsy mitsahatra ny mivavaka ho azy i Paoly. FANIRIAN’I PAOLY amin’ny vavaka ataony mba ho feno fifaliana mandrakariva ny zanany. Mba ho tafatoetra amin’ny finoana tsy mihatsaravelatsihy (hypocrite) sy hanompo amin’ny fiovana.
Noho izany, dia maniry i Paoly mba ho fanahy mahery no entinh manompo an’Andriamanitra fa tsy fanahy osa.
Ndeha isika hianatra ny amin’ny hoe fanahy osa sy fanahy mahery. Ary hahatsapa isika fa vavolombelona azo antoka. Vavolombelon’i Jesoa Kristy tsy menatra ny amin’izany.
FANAHY OSA
Fanahy osa = fanahy manandevo (vao mihetsika dia = tantely, akoho mena, vola … nasian’ny olona ). « Mamorona fanompoan-tsampy maro ». Ampahorian’ny tahotra.
Fanahy osa = fantatry ny olona ny fiainany ka ataon’ny olona tsinontsinona. Ratsy fanahy (tia kely, mandrairay, tanana mitsotra lava …), fanahy ratsy, fanahy noana, marenina, mahajamba, boka, manandevo, 2000 (légion).
Raha tsorina = andevo fiaina : MALOTO. MAIZINA. Saro tahotra izy sady atahoran’ny olona.
Raha tanisaina = tsy azo iaraha-monina. Satanika. Mahery amin’ny faharatsiana fa osa amin’ny fahasoavana. Miraparapa. Mampisaraka.
FANAHY MAHERY
Mifanohitra amin’ny teo aloha.
- Efa mahafantatra tsara lasa zanak’Andriamanitra.
- Omban’Andriamanitra amin’ny ady marove ka tafavoaka hatrany. MIARAHA amin’Andriamanitra. Sahalain’Andriamanitra. Loha-lalana ….
- Mazoto amin’ny fanaovana ny asan’ny Tompo. Miasa rehefa asaina miasa.
- Ataon’ny olona modely na lasa fianarana, na lasa FITARATRA. Fianarana ho an’ny mino.
- Olom-boavonjy. Ny ataony rehetra dia ahitana fa olom-boavonjy izy.
- Itoeran’ny Fanahin’i Jehovah. Tsy izy no velona fa ny Fanahy Masina.
FANOMEZAM-PAHASOAVANA izany rehetra izany = fanahy mahery. Ny Fanahy Masina nomena no mahatanteraka an’izany. Ary AHALALANA fa FITIAVANA sy MAHAFEHY TENA ny olona toy izany. ANTONINY ny ZAVATRA rehetra eo amin’ny fiainany.
Ny olona mahery = olon’ny Fanahy sy olon’ny fitiavana ary olona mahafehy tena.
FEHINY
- Adidy ny maha Mpitarika.
- Ny olona manana ny Fanahy masina ka lasa mahery ny fanahiny, dia adidy koa izany. Adidy amin’ny Asa Fitoriana ny Filazantsara. Adidy eo anatrehan’ny fahavalo. Adidy amin’ny fahoriana eo am-panaovana ny asa. Ary rehefa miasa amin’ny fahafatesan’i Kristy sy ny Fitsanganany ny Fanahy Masina dia miala ny fahosana rehetra fa lasa hery izany. Amena.
Ny Mpitandrina ANDRIAMANAMPY RAFIDISON Timoty